За фестивалот
„Најјакио Фестивал На Свето“ е дводневен мултимедијален фестивал кој за прв пат ќе се одржи во прилепското село Плетвар, од 14.08.2026 (петок) до раните утрински часови на 16.08.2026 (недела).
Фестивалот е спој на музика, природа и уметност. Простор каде што луѓето не доаѓаат само за концерт, туку за неколкудневна атмосфера исполнета со музика, дружба, кампување, визуелна уметност и различни креативни активности. Наменет е за публика која бара поавтентично, поинтимно и покреативно фестивалско искуство, надвор од класичниот комерцијален формат.
„Најјакио Фестивал На Свето“ е организиран од „Најјаката фирма на светот“ ДОО, правно лице основано за потребите на организацијата од Горазд Христовски и Никита Ристески. Финансиран е од приватни средства и индивидуални вложувања.
Како почна сè
Идејата е започната од Горазд (Ponder.mk) и Ангел (menza), цел живот на музичката сцена, опкружени со уметници, музичари и продуценти. Просто, животот го имаат посветено на музиката и уметноста.
Многу растревожени од медиокритетот на алтернативната сцена, одлучуваат да направат нешто поголемо. Нешто што ќе трае со денови и ќе има константни активности, каде ќе може да се направат нови познанства и да се измешаат културните групи.
Двајцата со големо искуство во организирање составуваат супер-тим од експерти во индустријата.
Настаните организирани од Пондер и Менза можете да ги најдете архивирани на нивните инстаграм профили: